Zgjedhjet/ Mbi 160 mijë shqiptarë jashtë vendit të regjistruar në PER, Celibashi: Zgjedhësit e refuzuar, mund të riaplikojnë deri në 4 mars

Më shumë se 160.000 zgjedhës shqiptarë jashtë vendit janë të regjistruar në PER që nga data 11 Janar 2025!

Kreu i KQZ Ilirjan Celibashi, ka sqaruar se zgjedhësit nga jashtë të cilëve u është refuzuar kërkesa për regjistrim në PER, kanë të drejtë të riaplikojnë pa kufizim deri në datën 4 mars 2025.

Ndërkohë në KQZ vijon dorëzimi i i kërkesave të partive politike për t’u regjistruar si subjekte zgjedhore për zgjedhjet e datës #11maj2025.

Në një status në Facebook, KQZ bën të ditur se kanë dorëzuar kërkesë edhe 10 parti të tjera politike:

1. Aleanca Demokristiane e Shqipërisë (ADK);
2. Partia e Lirisë (PL);
3. Partia Balli Kombëtar Shqiptar (PBK);
4. Partia Socialiste e Shqipërisë (PS);
5. Lëvizja Bashkë (Bashkë);
6. Partia Lëvizja Shqipëria Bëhet (PLSHB);
7. Partia Ora e Shqipërisë (POSH);
8. Partia Emigracioni Shqiptar (PESH);
9. Partia Minoriteti Grek për të Ardhmen (MEGA);
10. Partia për Mbrojtjen e të Drejtave të Punëtorëve (PMDPSH).

𝟐𝟓 𝐒𝐡𝐤𝐮𝐫𝐭 𝟐𝟎𝟐𝟓 – Afati i partive politike për të kërkuar të regjistrohen si subjekte zgjedhore.