Pas raportit për denoncimet për krime zgjedhore, ambasadorja amerikane Yuri Kim e ka nxitur SPAK që të ndjekë penalisht ata që shkelin ligjin dhe pengojnë qytetarët nga e drejta për të votuar të lirë dhe në paqe.
Në një postim në Twitter, diplomatja amerikane shprehet se përjashtim nuk duhet të bëjnë as ata që po bëjnë blerje votash, intimidojnë apo bëjnë thirrje për dhunë.
“SPAK po heton në mënyrë aktive krimet zgjedhore,” shton Kim.
We urge SPAK to prosecute those violating the law & obstructing citizens’ right to vote freely & in peace. This includes those engaged in vote-buying, intimidation, or inciting violence. SPAK is actively investigating election crimes. Full report today? https://t.co/K67WPwe5bJ
— Ambassador Yuri Kim (@USAmbAlbania) April 23, 2021
Më herët gjatë ditës, SPAK bëri të ditur se në periudhën mars – prill 2021 janë paraqitur një numër i konsiderueshëm kallëzimesh nga subjekte politike, qytetarë të ndryshëm dhe policia gjyqësore në Drejtoritë Vendore të Policisë Shtetit. sb/abcnews.al/
