245 935 zarfet me fletet e votimit për diasporën do të mbërrijnë në Shqipëri javën e ardhshme. Kryekomisioneri Ilirjan Celibashi tha se çdo zgjedhes do ta marrë fletën e votimit personalisht duke paraqitur një mjet identifkimi. Në rast se nuk e gjën në adresë, korrieri do të lëre një shënim se kur mund të shkoi votuesi për ta tërhequr.
Midis 8-9-10 fillojmë përgatitjen e zarfave dhe dokumentacionin që do t’u dërgohet votuesve, duke shpresuar që ky process të realizohet brenda datës 15-17 Prill. Kohë e mjaftueshme sipas parashikimeve kontraktuale që do të kemi me operatorin e shërbimit postar për të dërguar zarfat, për t’i dhënë kohë rreth 3-4 ditë për të plotësuar fletën e votimit dhe koha për t’u kthyer në KQZ deri në 19:00 të datës 11 Maj.
Në njësinë 10 në Tirane dhe në Vore votimi do jetë elektronik e për këtë do hapen dhe pika ndërgjegjësimi.
Kemi filluar edhe procesin e përgatitjes së votimit elektronik për njësinë nr 10 dhe bashkinë e Vorës. Besoj për 10 ditë, ose dy javë, do të vendosim në disa pika të njësisë 10 dhe bashkisë Vore, ku do të instalojmë këtë pajisje që votuesit të familjarizohen me përdorimin e këtyre pajisjeve
Procesi zgjedhor u komentua edhe nga misioni i OSBE Odhir, i cili këtë të mërkurë nisi zyrtarisht punën për parlamentaret e 11 majit. Ambasadori Lamberto Zannier renditi pikat kryesore se ku do të fokusohet puna e vëzhguesve në terren.
Metodologjia jonë e vëzhgimit përfshin edhe financimin e fushatës së partive politike. Ne do të analizojmë fushatën në terren dhe masat e marra mbi rekomandimet e mëparshme.
I pyetur mbi planin e SPAK dhe KQZ për hetimin e krimeve zgjedhore, Zannier zgjodhi të mos e komentojë por tha se çdo gjetje do të bëhet publike përmes raporteve zyrtare.
Bashkëpunimi me autoritetet është i rëndësishëm, por gjetjet tona do të ndahen përmes raporteve zyrtare, ne nuk mund të bëjmë apele apo të dërgojmë gjetjet tona në institucione. abcnews.al/
