Të dielën e 25 prillit shqiptarët do të zgjedhin qeverinë e re që do i udhëheqë për 4 vitet e ardhshme. Ditët e fundit ndërkombëtarët kanë bërë thirrje qytetarëve që të dalin në votimi dhe të shprehin vullnetin e tyre me votë, ndërkohë partive politike u kanë bërë thirrje për vetëpërmbajtje.
Në kuadër të vëzhgimit për mbarëvajtjen e procesit zgjedhor ndërkombëtarët do të jenë nesër në terren. Sipas agjendës së siguruar mësohet se ambasadori i BE, Luigi Soreca do të jetë në në Tiranë, shkolla “Dora D’Istria”, rreth orës 08:30, në Elbasan rreth orës 11:00 tek Teatri Skampa, në Kavajë dhe në Durrës.
Ndërkaq ambasadori Britanin , Duncan Norman në kuadër të monitorimit të zgjedhjeve do të jetë në Durrës, Elbasan, Fier dhe Peqin.
Ndërsa ambasadorja Ursula Gacek e cila kryeson Misionin e Kufizuar të Vëzhgimit të Zgjedhjeve të ODIHR për zgjedhjet parlamentare në Shqipëri, do të jetë në Tiranë ku pritet që të japë një deklaratë për shtyp ditën e zgjedhjeve./abcnews.al
