Rreth 100 mijë shtetas shqiptarë janë regjistruar deri tani në platformën e Komisionit Qëndror të Zgjedhjeve për zgjedhjet e 11 majit 2025.
Ky fakt u tha nga Ministri i Brendshëm Ervin Hoxha gjatë një takimi të zhvilluar me Prefektët në qytetin e Gjirokastrës.
Në një prononcimi për mediat ministri Hoxha pohoi se, janë hartuar të gjitha planet e masave , ku prefektët e qarqeve në bashkëpunim me bashkitë, Policinë e Shtetit do të jenë në gjendje për të ngritur infrastrukturën dhe planifikuar në mënyrë të rregullt zgjedhjet.
“Sot në vijim të takimeve që ne kemi periodikisht me prefektët e qarkut kemi bërë një takim në Gjirokastër ku kemi biseduar për të gjitha masat e marra dhe koordinimin për përgatitjen dhe ngritjen e infrastrukturës për zgjedhjet e 11 majit , kemi diskutuar në detaje të gjitha përgjegjësitë që prefektët e qarqeve duhet të marrin në zbatim të ligjit dhe kodit zgjedhor, aktualisht janë hartuar të gjitha planet e masave , prefektët e qarqeve në bashkepunim me bashkitë, Policinë e Shtetit do të jenë në gjendje për të ngritur infrastrukturën dhe planifikuar në mënyrë të rregullt zgjedhjet e 11 majit 2025 , aktualisht kemi rreth 100 mijë shtetas shqiptarë të cilët janë regjistruar në platformën e Komisionit Qëndror të Zgjedhjeve për zgjedhjet e 11 majit” .
Për emigrantët që dëshirojnë të votojnë jashtë vendit dhe që ju ka përfunduar afati i kartës së identitetit apo pasaportës vlefshmëria e tyre do të shtyhet deri në datën 31 maj 2025 duke ju dhënë mundësinë të jenë pjesë e procesit të zgjedhjeve parlamentare./abcnews.al
