Në futbollin britanik nuk tolerojnë asnjë gabim, sidomos në këtë periudhë pandemia. Dy lojtarët të Rangers, skuadrës së famshme skoceze, e kanë pësuar për thyerjen e rregullave anti-Covid.
Jordan Jones dhe George Edmundson morën pjesë në një festë private me njerëz që nuk ishin pjesë e familjes së tyre, të organizuar më 1 nëntor.
Drejtuesit e klubit që ka fituar 54 herë titullin kampion në Skoci, vendosën t’i pezullonin dy lojtarët, teksa ka ardhur dhe vendimi i Federatës Skoceze të Futbollit.
Sulmuesi i majtë dhe qendërmbrojtësi i ekipit të Steven Gerrard, janë pezulluar me nga 7 ndeshje. Rikthimi i tyre në fushë do të ndodhë në 30 dhjetori, datë kur Rangers luan jashtë fushe me St Mirren. /abcnews.al
