Loading ...TIRANË– Perceptimi dominues në opinionin publik është se ndikimi perëndimor ka qenë vendimtar në zgjedhjen e drejtuesit të SPAK-ut. Në sondazhin “Zëri i Shqiptarëve” të publikuar në ABC News, janë pyetur 1152 banorë të rritur të Shqipërisë.
Shkalla shumë e lartë e përgjigjeve, konkretisht 85.0% e tyre mendojnë se kanë ndikuar ndërkombëtarët në zgjedhjen e Klodjan Brahos, 11.3% e tyre mendojnë që jo , kurse personat e dyzuar janë 3.7%.
Rezultatet në grafik:
Rezultatet e ekstrapoluara në shifra:
Konkretisht, e shprehur në shifra janë 1,615,000 qytetarë, të cilët mendojnë se zgjedhja e Klodjan Brahos është ndikuar nga ndërkombëtarët, 70,000 janë të dyzuar, kurse 215,000 qytetarë mendojnë që nuk ka patur “influencë” të ndërkombëtarëve.
Metodologjia e sondazhit
Kampioni i sondazhit të publikuar në “Zëri i Shqiptarëve” është 1152 banorë të rritur të vendit.
Linku i pyetësorit është shpërndarë me SMS të rastësishme në mënyrë proporcionale në qytetet dhe fshatrat e Shqipërisë. Pyetësori është plotësuar elektronikisht në mënyrë krejt anonime nga të anketuarit.
Kampioni u ripeshua statistikisht për t’i përfaqësuar sa më mirë banorët e rritur të Shqipërisë nga pikëpamja gjeografike, demografike, arsimore, dhe politike.
Marzhi i gabimit statistikor i sondazhit është në nivelin +/- 2.9%/abcnews.al
