“Zërat pas skene” është shfaqja më e re që sjell Teatri i “Skampas”. Helidon Fino, i cili është edhe regjisor dhe aktor në këtë shfaqje ka ndarë në emisionin “ABC e Mëngjesit” të gjitha detajet.
Ai ka zbuluar se ka një dinamik të lartë për sa i përket lëvizjeve dhe kasti fantastik.
Sakaq, Fino ka theksuar ndër të tjera se janë 9 aktorë që luajnë 10 personazhe, pasi njëri prej tyre luan dy personazhe.
“Unë e kam marrë këtë përkthim nga Shkëlzen Berisha, i cili pa të arsyeshme ‘Zërat pas skene’. Në fakt edhe vepra e ka këtë vështirësi, ka një dinamik të lartë për sa i përket lëvizjeve, është mjaft impenjative dhe unë këto ditë e kam quajtur një komedi të rrezikshme. Këtu kemi të bëjmë me një shfaqje brenda shfaqjes. Aktorët po bëjnë provat gjenerale dhe pas disa ditësh kanë premierën.
Kasti është fantastik. Unë kam rolin e regjisorit, që kolegët e mi donin që ta bëja unë. Janë 9 aktorë që luajnë 10 personazhe, pasi njëri prej tyre luan edhe dikë tjetër, pasi është i detyruar në varësi të shfaqjes. Kjo është një komedi situatash dhe rrethanash, edhe keqkuptimesh”, u shpreh ai./abcnews.al
