Presidenti i Ukrainës, Volodymyr Zelenskyy ka dënuar sulmin shkatërrues terrorist të Hamasit ndaj Izraelit.
Përmes një postimi në rrjetet sociale, ai thotë se të gjitha detajet e tij duhet t’i zbulohen botës, sepse kushdo që financon terrorin po kryen një krim kundër botës.
Sipas Zelenskyt, e drejta e Izraelit për vetëmbrojtje është e padiskutueshme.
Postimi i plotë:
Lajm i tmerrshëm nga Izraeli. Ngushëllimet e mia shkojnë për të gjithë ata që humbën të afërmit në sulmin terrorist. Ne kemi besim se rendi do të rivendoset dhe terroristët do të mposhten.
Terrori nuk duhet të ketë vend në botë, sepse ai është gjithmonë një krim, jo vetëm kundër një vendi të caktuar apo viktimave të këtij terrori, por kundër njerëzimit në përgjithësi dhe mbarë botës sonë.
Kushdo që i drejtohet terrorit kryen një krim kundër botës. Kushdo që financon terrorin po kryen një krim kundër botës. Bota duhet të qëndrojë e bashkuar dhe e solidarizuar në mënyrë që terrori të mos tentojë të thyejë apo nënshtrojë jetën askund dhe në asnjë moment.
E drejta e Izraelit për vetëmbrojtje është e padiskutueshme.
Të gjitha detajet rreth këtij sulmi terrorist duhet të zbulohen në mënyrë që bota të dijë dhe të mbajë përgjegjës të gjithë ata që kanë mbështetur dhe ndihmuar në kryerjen e sulmit.
Të gjithë qytetarët ukrainas që mbeten në zonën e rrezikut duhet t’u binden me kujdes të gjitha urdhrave të dhëna nga shërbimet lokale të sigurisë dhe të qëndrojnë vigjilentë. Ju lutemi të jeni të kujdesshëm. Ministria e Punëve të Jashtme të Ukrainës dhe ambasada jonë në Izrael janë të gatshme të ndihmojnë në çdo situatë.
“Për të mbështetur ukrainasit në Izrael, ne krijuam një shtab operativ. Nëse keni nevojë për ndihmë, ju lutemi kontaktoni ndonjë nga zyrat tona diplomatike ose konsullore në çdo mënyrë të përshtatshme dhe të arritshme.
Çdo jetë është e vlefshme! Ne dënojmë të gjitha format e terrorizmit./abcnews.al
