Presidenti i Ukrainës Volodymy Zelensky ka uruar Keir Starmer për fitoren e tij në zgjedhje dhe ka falënderuar Rishi Sunak për mbështetjen.
“Urime Keir Starmer dhe partisë Laburiste për fitoren e tyre bindëse në zgjedhje. Ukraina dhe Mbretëria e Bashkuar kanë qenë dhe do të vazhdojnë të jenë aleatë të besueshëm.
Ne do të vazhdojmë të mbrojmë dhe avancojmë vlerat tona të përbashkëta të jetës, lirisë dhe një rendi ndërkombëtar të bazuar në rregulla
I uroj qeverisë së ardhshme suksese si në çështjet e brendshme ashtu edhe në forcimin e lidershipit të Mbretërisë së Bashkuar në arenën botërore.
Mezi pres të punojmë ngushtë së bashku për forcimin e partneritetit Ukrainë-Mbretëri e Bashkuar dhe rivendosjen e paqes dhe sigurisë ndërkombëtare.
I jam mirënjohës mikut tim të mirë Rishi Sunak për mbështetjen e palëkundur të qeverisë së Mbretërisë së Bashkuar nën udhëheqjen e tij.
Tanket Challenger, raketat Storm Shadow, trajnimi F-16 për pilotët tanë dhe marrëveshja e parë dypalëshe e bashkëpunimit të sigurisë janë vetëm disa nga arritjet tona të përbashkëta që Ukraina nuk do t’i harrojë kurrë. Faleminderit, Rishi”, tha Zelensky në një postim në rrjetet sociale.
Në shkurt 2023, ndërsa lideri i opozitës, Starmer vizitoi Kievin dhe tha se i tha presidentit të Ukrainës “nëse do të ketë një ndryshim të qeverisë kur të kemi zgjedhje të përgjithshme këtu, mbështetja për Ukrainën do të mbetet e njëjtë
/abcnews.al
