Për Ukrainën, Europa “është rruga e kthimit në shtëpi”, tha presidenti ukrainas Volodymyr Zelensky, duke iu drejtuar seancës plenare të Parlamentit Europian në Bruksel të enjten në mëngjes.
Udhëheqësi ukrainas falënderoi eurodeputetët dhe vendet anëtare të BE-së për mbështetjen, duke e filluar fjalimin e tij dukshëm i prekur dhe duke theksuar rëndësinë e anëtarësimit të vendit të tij në BE, të cilin ai e përshkroi si atdheun e popullit të tij.
“Për udhëheqjen ruse, 140 milionë qytetarë nuk janë gjë tjetër veçse trupa që mund të mbajnë armë”, tha Zelensky, duke shtuar se regjimi rus jo vetëm që urren drejtësinë sociale, por gjithashtu investon në ksenofobinë.
“Ne po mbrojmë vendin dhe vlerat tona dhe vlerat europiane nga forca më anti-evropiane që po na sulmon”, theksoi ai mes duartrokitjeve.
Ai gjithashtu falënderoi ata që nuk bien viktima të propagandës ruse, përveç mbështetjes morale dhe materiale për popullin e Ukrainës, “duke justifikuar mënyrën tonë europiane të jetesës”.
“Ukraina do të bëhet anëtare e një Bashkimi Europian fituese,” tha ai. Në të njëjtën kohë, ai ftoi të gjithë eurodeputetët të vizitojnë atdheun e tij.
Vihet re se kur presidenti ukrainas hyri në sallën plenare, shpërthyen duartrokitjet që nuk u ndalën.
/abcnews.al
