UKRAINË- Presidenti i Ukrainës, Volodymyr Zelensky, ka thënë se ka qenë e pritshme që presidenti rus Vladimir Putin ta lidhë sulmin në Moskë me Ukrainën. Rusia ka nisur pushtimin e Ukrainës dy vjet më parë.
Më herët gjatë ditës, Putin përmendi Ukrainën si aleate e të dyshuarve për vrasjen e të paktën 133 personave në një sallë koncertesh të premten.
Në një video-adresim të shtunën në mbrëmje, Zelensky ka thënë se “ka qenë absolutisht e parashikueshme” që Putini të presë një ditë pas sulmit për të gjetur një lidhje me Ukrainën për masakrën.
Ai më pas ka thënë se “qindra mijëra terroristë të Putinit që i ka dërguar dhe janë vrarë në Ukrainë, do të ishin të mjaftueshëm për t’i ndalur sulmet terroriste brenda Rusisë”.
