Loading ...
Presidenti i Ukrainës, Volodymyr Zelensky, deklaroi se do të zhvillojë takime në Berlin me përfaqësues të Shteteve të Bashkuara dhe të vendeve europiane, me qëllim diskutimin e asaj që ai e cilësoi si “themelet e paqes”.
Zelensky theksoi se Ukraina ka nevojë për një paqe dinjitoze, si dhe për garanci të qarta se Rusia, e cila pushtoi vendin në vitin 2022, nuk do të ndërmarrë më sulme në të ardhmen.
Ndërkohë, autoritetet gjermane bënë të ditur më herët se gjatë fundjavës Gjermania do të presë delegacione nga SHBA-ja dhe Ukraina për bisedime mbi një armëpushim në Ukrainë. Këto takime do t’i paraprijnë një samiti me pjesëmarrjen e liderëve europianë dhe presidentit Zelensky, i cili pritet të mbahet të hënën në Berlin.
Bisedimet vijnë në një moment kritik të konfliktit, teksa komuniteti ndërkombëtar po intensifikon përpjekjet diplomatike për t’i dhënë fund luftës. / abcnews.al /
