Një rast i murtajës afrikane të derrave (PSA) është zbuluar në Romë.
Kështu ka bërë të ditur komisioneri për emergjencën, Angelo Ferrari duke specifikuar se rasti është zbuluar në parkun e Insugherata dhe se po kryhen kontrollet e nevojshme.
Nëse konfirmohet, ky do të ishte rasti i parë i etheve të derrave, një sëmundje që prek derrat dhe veçanërisht ata të egër.
Rasti u raportua dhe u identifikua nga Instituti Zooprofilaktik i Lazios dhe u konfirmua nga Zooprofilaktika Umbria dhe Marche, qendra kombëtare e referencës për këtë sëmundje.
Monitorimi i zonës është aktivizuar për të përcaktuar kufijtë e zonës së fjalë.
Kanë nisur edhe procedurat evropiane të njoftimit. PSA nuk transmetohet te njerëzit, ajo infekton vetëm derrat dhe deri më tani është identifikuar vetëm te derrat e egër, shkruan Tg Com.
Të mërkurën në mbrëmje, pas zbulimit të ekzemplarit të derrit të egër të ngordhur për shkak të murtajës së derrave, task-forca e Rajonit të Lazios u takua me Komisionerin e Jashtëzakonshëm Kombëtar për Murtajën Afrikane të Derrit, Angelo Ferrari.
Rajoni, thuhet në një shënim, “do të vërë në dispozicion numrin pa pagesë të Mbrojtjes Civile Rajonale nga e premtja për të raportuar çdo gjetje të kafshëve të ngordhura dhe për të aktivizuar menjëherë shërbimet veterinare”.
“Duhet përgjegjësia e institucioneve për një veprim të menjëhershëm për frenimin e popullatës së derrave të egër që kanë pushtuar fshatrat dhe qytetet deri në kryeqytet me dëme ekonomike për mbarështuesit dhe rreziqe për sigurinë e qytetarëve”.
Kështu pohon presidenti i Coldiretti, Ettore Prandini.
“Ne kemi theksuar vazhdimisht rrezikun e përhapjes së murtajës afrikane të derrave përmes derrave të egër dhe nevojën e reduktimit numerik të tyre. Jemi të detyruar të përballemi me një emergjencë të rëndë shëndetësore sepse – saktëson Prandini – ka munguar masa parandaluese, pasi ne e kemi denoncuar vazhdimisht”./abcnews.al/
