Antoine Griezmann ka vendosur të ndërpresë reklamimin e tij për kompaninë kineze të celularëve, Huawei. Shkak është një zbulim i Washington Post, që raportonte se kompania e famshme kishte instaluar një sistem në telefonat e saj, ku identifikonte të gjithë ujgurët, pakicë kombëtare turke në Kinë me besim mysliman, shumë e diskriminuar nga shteti dhe populli kinez.
Griezmann është totalisht kundër këtij vendimi dhe ka njoftuar ndërprerjen e kontratës së tij me kompaninë e madhe të celularëve, që në Azi është në konkurrencë të madhe me IPhone dhe Samsung.
“Pas dyshimeve të forta, sipas të cilave Huawei ka kontribuar në zhvillimin e një ‘alarmi uighur’ falë një sistemi njohje të fytyrës, vendosa të shkëpus menjëherë marrëdhënien me këtë kompani.
View this post on Instagram
Shfrytëzoj këtë rast për të ftuar Huawei të mos humbasë mundësinë për të mohuar këto akuza dhe për të ndërmarrë veprime konkrete sa më shpejt të jetë e mundur për të dënuar këtë diskriminim masiv dhe të përdorë ndikimin e tij për të kontribuar në respektimin e të drejtave të njerëzve brenda shoqërisë”, shkruan Griezmann.
Në shkrimin e Washington Post zbulohet se kompania teknologjike bashkëpunoi në vitin 2018 me kompaninë e Megvii për të testuar një sistem kamere të inteligjencës artificiale me aftësinë për të skanuar fytyrat dhe për të vlerësuar moshën, gjininë dhe etninë e njerëzve. /abcnews.al
