Abcnews.al ka siguruar foto të momentit nga aksioni i RENEA-s në hotelin e Ervis Martinajt, ku kishte shkuar për të arrestuar këtë të fundit pas urdhërarrestit të lëshuar nga GJKKO.
Gjatë kontrollit të ushtruar RENEA nuk ka mundur të arrestoj Martinajn, i cili dyshohet se është arratisur pasi mund të jetë informuar mbi operacionin e policisë më herët.
Në hotel policia ka gjetur kallashnikov, kanabis dhe doreza.
Hetimet ndaj Ervis Martinajt nisën pas dëshmisë së dhënë nga Nuredin Dumani, i cili ka rrëfyer të gjitha krimet e tij dhe se nga kush ishte paguar për t’i ekzekutuar ato.
Në dëshminë e tij Dumani ka rrëfyer se ka marrë 11 mijë euro nga Martinaj për të ekzekutuar Endrit Doklen, por që nuk e ka kryer si porosi.
Lexo edhe:DOSJA E SPAK/ Vis Martinaj i dha Dumanit 100 mijë euro për “kokën” e Endrit Dokles
Kush është Ervis Martinaj
Ervis Martinaj është një emër i lakuar shpesh në media por edhe në institucionet e drejtësisë, ku është përfolur për pjesëmarrje në disa krime, por që deri më sot nuk janë vërtetuar nga ana e prokurorëve dhe ai është lënë i lirë, ku rasti i fundit ishte pas arrestimit në ngjarjen në bllok ku u përplas me Ervin Matajn në vitin 2018-të.
Gjithashtu Martinaj është dënuar në vitin 2013 me 3 muaj burgim për akuzën e “Organizimit pa lejë të veprimtarisë së lojërave të fatit”, pasi kishte hapur në Tiranë një pikë lotoje pa leje.
Por kjo akuzë në fund të vitit është falur për shkak të ligjit të Amnistisë të kryer nga parlamenti. Martinaj është një emër i njohur për drejtësinë shqiptare, pasi është dyshuar pak vite më parë si një ndër personat në vrasjen Enton Nikajt në zonën e Linzës në Dajt, ngjarje për të cilën ai u akuzua në fund nga prokuroria për “Moskallëzim krimi” dhe mori pafajësi në gjykatën e Apelit Tiranë.
Ervis Martinaj është përmendur edhe në Gjyqin ndaj Emiliano Shullazit.
Sipas deklaratave të Ylvi Beqaj në prokurori, Ervis Martinaj ka marrë përsipër t’i mbyllë gojën për llogari të Shullazit. Fillimisht e joshi me para. 7 milion euro i ofroi Martinaj biznesmenit që akuzon Shullazin për gjobëvënie. Kur e pa se nuk arriti ta bindë, iu kthye mënyrave të vjetra duke e kërcënuar për vrasje.
Emri i Ervis Martinit u lakua edhe për vrasjen e bankierit Artan Santo. Gjatë kontrollit në magazinën e tij në Fushë-Kuqe u gjetën dy skafandra të ngjashme me ato që përdorën vrasësit e bankierit, por ai nuk u implikua në këtë rast, sepse nuk kishte prova.
Githashtu Ervis Martini u përfshi në një konflikt me armë zjarri gjatë orëve të vona të 8 korrikut në një lokal në Dhërmi. Nga të shtënat, fatmirësisht, nuk ishte të lënduar.
Personat, për të cilët është ekzekutuar urdhri i GJKKO-së:
Nuredin Dumani
Henrik Hoxha,
Ardian Uzuni
Altin Ndoci
Skerdi Tasi
Leonard Palushi
Fatos Gosa
Erion Alibej
Gentjan Sharra
Florenc Cekrezi
Elvis Koci
Ilirjan Feci
Petrit Qoli
Agron Qoli
Agron Qafa
Artan Plaka
Besjan Xhixha
Abc ka publikuar disa javë më parë video ekskluzive të vrasjes së Bujat Çelës, vëllait të Talo Çelës, i cili u ekzekutua nga Nuredin Dumani.
Lexo edhe:EKSKLUZIVE/ Abc siguron foton e vrasjes së vëllait të Talo Çelës nga Nuredin Dumani
Gjithashtu Abc ka raportuar edhe lajmin se si Sokol Sanxhaktari u ndoq nga Nuredin Dumani këmba këmbës për tu lemeinuar. “Hija” 2 muaj me “misionin” në Elbasan.
/T.H/Abcnews.al/
