Nicolo Zaniolo vazhdon të jetë një nga lojtarët më të kërkuar gjatë kësaj merkatoje vere. Futbollisti i Romës është kthyer në objektivin e Juventusit, nuk ngelet pas edhe Milan.
Së fundmi në skenë ka dale edhe Tottenham, me Antonio Conte që kërkon ta kenë nën urdhrat e tij për sezonin e ri.
Drejtori i përgjithshëm i “Spursave”, Fabio Paratici gjatë ditëve të ardhshme do të ketë një takim me Tiago Pinton për t’i dorëzuar ofertën zyrtare.
Skuadra angleze ditë më parë ka bërë ofertën e parë zyrtare për Zaniolon, por që është refuzuar nga Roma e cila synon të fitoj më shumë se 50 milionë euro nga shitja e yllit italian. /f.a/abcnews.al
