Ambasadorja e Shteteve të Bashkuara të Amerikës, ka komentuar shkarkimin e Gledisn Nanos si Drejtor i përgjithshëm i Policisë së Shtetit.
Në një intervistë në emisionin “Opinion”, Kim tha se nuk e prisnin largimin e Nanos, ai ishte një partner i SHBA-ve.
Pjesë nga intervista
Fevziu: Dakord. Do t’ju pyes për ish-Drejtorin e Policisë së Shtetit, Z. Nano. Ai u largua nga pozicioni i tij pas një vendimi të qeverisë. Ishte një histori e ndërlikuar. 48 orë, në fillim ai u largua, pastaj u detyrua të largohej. Pas kësaj, ju bëtë një koment dhe thatë se kishit punuar shumë mirë me Z. Nano. A ishte kjo një ndërhyrje në vendimin e qeverisë?
Kim: Jo, ishte pohim fakti. E keni parë se ne shpesh bëjmë deklarata të tilla kur dikush me të cilin kemi punuar shumë mirë largohet nga detyra. Dhe është e vërtetë që ne e vlerësojmë Z. Nano dhe bashkëpunimin e tij me ne. Ne mendonim se ai ishte një partner i mirë për ne kur drejtonte njësinë kundër terrorizmit. Dhe më pas kur ishte drejtor i policisë.
Fevziu: A ishte surprizë për ju largimi i Z. Nano nga detyra?
Kim: Nuk e prisnim.
/Abcnews.al/
