Presidenti kinez Xi Jinping shprehu dëshirën e tij për të përmirësuar marrëdhëniet e Kinës me Brazilin, ku mbërriti për një vizitë shtetërore dhe samitin e liderëve të G20.
Xi planifikon të zhvillojë bisedime për “përmirësimin e mëtejshëm të marrëdhënieve midis Kinës dhe Brazilit, promovimin e komplementaritetit midis strategjive të zhvillimit të dy vendeve, si dhe çështjeve ndërkombëtare dhe rajonale me interes të përbashkët”.
“Vizita do të rrisë më tej besimin e ndërsjellë strategjik të dy vendeve dhe do të thellojë shkëmbimet dhe bashkëpunimin në fusha të ndryshme”, tha Xi.
Kina është partneri më i madh tregtar i Brazilit, me më shumë se 180 miliardë dollarë në tregtinë dypalëshe në vitin 2023. Telefonat dhe ilaçet janë produktet kryesore kineze të eksportuara në vendin e Amerikës së Jugut.
Që nga kthimi në pushtet vitin e kaluar, presidenti brazilian Luiz Inácio Lula da Silva është angazhuar në një akt delikat balancues, duke kërkuar të thellojë lidhjet me Kinën duke përmirësuar marrëdhëniet me SHBA-në./abcnews.al
