Kapiteni i Juventusit, Xhorxho Kelini ka analizuar gjendjen e skuadrës, afrimet në merkato, objektivat sezonal si dhe përshtypjet për trajnerin Mauricio Sarri. 34- vjeçari beson tek një sezon i suksesshëm dhe thekson se për ta arritur këtë duhet një sakrifice e përbashkët.
“Çdo trajner ka idetë e tij të lojës. Sarri është ndryshe nga Konte dhe Allegri. Ai është i përpiktë dhe kërkon gjithmonë përsosmëri. Po përpiqemi ti’ kuptojmë sa më shpejt kërkesat e trajnerit. De Ligt ishte mbrojtësi i ri më i kërkuari në Europë. Mendoj se Juventus bëri mirë që e mori. Duhet të rritet akoma dhe të përmirësohet profesionalisht. Kemi në grupin tonë një futbollist premtues. Dybala është stërvitur gjithmonë me qetësi dhe përkushtim të madh. Ikardi është një lojtar i madh por nuk kam të drejte të flas për të sepse nuk është futbollist i Juventusit”.
Kapiteni i Juventus vendos nën presion Interin duke theksuar se zikaltërit nuk duhet të fshihen pasi kanë shpenzuar shumë në merkato dhe janë në garë për titull.
“Mendoj se janë tre skuadra në garë për kampionatin, Juventus, Inter dhe Napoli. Do të ketë presion tek ne por edhe tek Interi. Kanë shpenzuar shumë në merkato dhe nuk mund të fshihen më. Mendoj se do të jetë një kampionat i vështirë edhe pse diferenca e Juventusit me dy ekipet e tjera është e madhe. Juventus ende nuk e ka mbyllur merkaton dhe synon të nënshkruajë me një sulmues të madh por fillimisht duhet të largojë disa prej yjeve të skuadrës”./ABC News Albania 24/7
