Xavi Hernandez është trajner i ri i Barcelonës, i cili do të fillojë menjëherë nga puna për ndeshjen e radhës.
Zyrtarizimi i Xavit si trajner i Barcelonës është përfolur në media që kur u shkarkua Ronald Koeman.
Shumë mesazhe në drejtim të Xavit teksa i uronin suksese në aventurën e re, dhe në këto urime nuk kishte si të mungonte edhe ish-shoku i skuadrës tek katalanasit.
Andres Iniesta në një intervistë për “BeIN Sports” është shprehur i bindur se Xavi është trajneri ideal për të drejtuar blaugranat.
“Xavi përshtatet në mënyrë të përkryer, kjo është e sigurt. Jo vetëm për shkak të asaj që mund të dini për të ose klubin, por sepse ai është përgatitur për të. Pra, kjo është gjëja më e rëndësishme.
I uroj gjithë fatin e botës dhe jam i bindur se do të bëjë punë të mirë sepse është përgatitur për atë moment dhe është shumë i emocionuar që mund të përballet me këtë sfidë. Shpresoj që rrethanat të jepen për t’ia dalë. I uroj më të mirat”, deklaroi Iniesta. /f.a/abcenws.al
