Në vitin 2017, shërbimet franceze të inteligjencës hakuan iPhone-in e themeluesit të rrjetit social Telegram, Pavel Durov, raporton Ëall Street Journal, duke cituar burime anonime.
Emri i koduar i këtij operacioni ishte “Purple Music”, dhe francezët u ndihmuan në kryerjen e kësaj detyre nga oficerë të inteligjencës nga Emiratet e Bashkuara Arabe.
Ëall Street Journal shtoi se zyrtarët francezë të inteligjencës besonin se terroristët e Shtetit Islamik po përdornin Telegramin për të rekrutuar militantë dhe për të planifikuar sulme.
Sipas një burimi pranë themeluesit të këtij aplikacioni, administrata e Telegram ka vite që injoron fletëthirrjet dhe urdhrat e lëshuara nga organet ligjzbatuese.
Burimet thonë gjithashtu se në vitin 2018, presidenti francez Emmanuel Macron e ftoi Pavel Durov dhe i sugjeroi që të zhvendoste selinë e Telegram në Paris.
/abcnews.al
