Interesimi për Timo Werner është i madh. Liverpool, Chelsea dhe Bayern Munchen e pëlqejnë sulmuesin e Leipzig, i cili numëron 27 gola të shënuar këtë sezon. Sky Sports raporton se 24-vjeçari ka një dëshirë dhe ka zgjedhur të vazhdojë karrierën në “Anfield”.
Sulmuesi i kombëtares gjermane e adhuron Jurgen Klopp, shpreson të punojë me të dhe i sheh “The Reds” si skuadrën perfekte për karakteristikat e tij. Werner ka një klauzolë largimi prej 60 milion eurosh, shumë që qëndron në fuqi deri në 15 korrik.
Gjithsesi, Liverpool ka vendosur të mos e paguajë këtë shumë. Kampionët e Evropës do të presin skadencën e saj dhe më pas do të nisin bisedimet me Leipzig. Koronavirusi ka shkaktuar një krizë të madhe, çmimet e lojtarëve janë ulur ndjeshëm dhe klubi anglez besoj se do sigurojë shërbimet e Werner për një shumë më të vogël se aq. /abcnews.al
