Arsene Wenger ka mbështetur blerjen prej 105 milionë paund nga Arsenali të Declan Rice.
“Mendoj se është një investim i mirë. Në përgjithësi, më duket se klubi bëri blerje të mira, erdhën lojtarë tashmë të pjekur, 23-24 vjeç, por ende të rinj, të aftë për të qëndruar në skuadër për disa vite.
Pas sezonit të kaluar, skuadra do të jetë nën presion edhe më të madh, por ata kanë mësuar shumë dhe mund të tregojnë se janë në gjendje ta përballojnë këtë presion.
Më duhej të dilja pa para, duhej të kërkoja një mënyrë tjetër. Tani Arsenali është në një pozicion të mirë financiar dhe ka blerë ata që, sipas tyre, do të ndihmojnë në fitimin e kampionatit.
Besoj se do të bëhemi kampionë, është e thjeshtë”, ka thënë ish-trajneri i Topçinjve në një intervistë për Eurosport. /G.D abcnews.al/
