Disa vullnetarë kanë ndërtuar një bibliotekë për jetimët në Yangon, Mianmar, duke përdorur materiale plastike të ricikluara. Projekti në Taikkyi, një lagje në veri të qytetit më të madh të Mianmarit, filloi në dhjetor 2020, iniciativë e OJQ-së Clean Yangon.
Duke përdorur materiale të ricikluara, ekipi i vullnetarëve ndërtoi një bibliotekë por hapja është shtyrë për një afat të pacaktuar për shkak të grushtit të shtetit në Mianmar. Rreth 119 ton materiale plastike derdhen në lumin Ayeyarwady çdo ditë, duke e bërë atë një nga rrugët ujore më të ndotura në botë.
Biblioteka nuk është iniciativa e vetme në vend që synon riciklimin e materialeve plastike. Fondacioni i Ndihmës Badana po ndërton një shkollë në Hlaingthaya Township në Yangon. Projekti pritet të përfundojë në korrik dhe do të ketë tre klasa duke i mundësuar mësimin të paktën 90 nxënësve./abcnews.al
