Presidenti Serb Aleksandër Vuçiç u detyrua të ndërpresë vizitën e tij në Shtetet e Bashkuara të Amerikës për shkak të përkeqësimit të papritur të gjendjes së tij shëndetësore.
Mediat Serbe shkruajnë se Presideni i vendit I cili kërkoi ndihmë mjekësore dhe bëri disa ekzaminime në Shtetet e Bashkuara mori vendimin për tu kthyer menjëherë në Beograd.
Vuçiç u nis drejt Serbisë në orët e vona të pasdites së të premtes.
Kabineti I Presidentit Serb deklaroi këtë të shtunë se publiku do të informohet më hollësisht mbi gjendjen shëndetësore të Vuçiç përgjatë ditëve në vijim dhe për arsyet që e detyruan atë të kthehej në Beograd.
Vucic kishte udhëtuar drejt Shteteve të Bashkuara shëndetësore në 30 prill dhe në axhendën e tij ishin takime me kongresmen republikan si dhe me vetë presidentin Amerikan Donald Trump.
Pasi mbërriti në Washington Vuçiç ishte takuar me ish kryetarin e Bashkisë së Nju Jork dhe një ndër bashkëpunëtorët më të ngushtë të Trump, Rudy Giuliani.
Ish I dërguari I Trump për Ballkanin Perëndimor I cili aktualisht mban rolin e dërguarit të Posacëm të Presidentit Trump për misione të posaçme, Richard Grenell shkroi në X se uron që Aleksandër Vucic të jetë mire ndërsa shprehu se I vinte keq që nuk kishte mundur ta takonte atë në vizitën e tij në Shtetet e Bashkuara.
Vizita e Vucic në Shtetet e Bashkuara të Amerikës erdhi disa ditë përpara se Presidenti Rus të merrte pjesë në paradën e fitores në Moskë në 9 maj I ftuar nga vetë Presidenti Rus Vladimir Putin.
