Instituti i Studimeve për Lindjen e Mesme dhe Ballkanin ka publikuar sëfundmi një raport në lidhje me rolin e Serbisë në Ballkan si edhe raportin me Kosovën.
Në raport thuhet se roli i serbve është rritur ndjeshëm në rajonin tonë gjatë viteve të fundit dhe kjo ka ndodhur falë politikave të Presidentit Vuçiç në raport me shqiptarët dhe ndaj Kosovës, përcjell abcnews.al.
Kjo e fundit, thuhet në raport, po izolohet edhe më tepër, ndërsa studiuesit i referohen mini-shengenit Ballkanik si një hapje totale të kufijve për Serbinë.
Ndër të tjera, raporti shkruan:
Falë Presidentit Aleksandar Vuçiç, sidoqoftë, Serbia është bërë epiqendra e ngjarjeve në rajon dhe çelësi i paqes dhe stabilitetit në Ballkan.
Zhvillimi i përbashkët ekonomik dhe krijimi i “Mini Schengeniu” Ballkanik konsiderohen si përparësi në bashkëpunimin rajonal.
Vendet e vogla nuk mund të tërheqin investitorë globalë dhe e kanë më të vështirë të sigurojnë rritje dhe zhvillim të qëndrueshëm ekonomik.
Prandaj, për të hequr pengesat e kufirit të brendshëm dhe administrativ, doganat do të ishin më efikase për vendet e Ballkanit Perëndimor, nëse do të kishin një politikë të harmonizuar të infrastrukturës dhe të punonin sëbashku në rindërtimin ekonomik të rajonit.
Hapja e vendkalimit të integruar kufitar “Preshevë – Tabanovce” midis Serbisë dhe Maqedonisë Veriore është një hap në atë drejtim.
Presidenti i Serbisë, Aleksandar Vuçiç, është takuar me Presidentin e Francës, Emanuel Macron, për herë të 11-të deri më tani, gjë që ilustron pozicionin e Serbisë në marrëdhëniet ndërkombëtare.
Vuçiç këmbëngul në një kompromis ose zgjidhje “ëin-ëin” midis Beogradit zyrtar dhe Prishtinës, dhe kjo është arsyeja pse ai mori mbështetjen e presidentit francez. /abcnews.al
