Një ngjarje tragjike ka ndodhur në Mianmar, ku të paktën 30 persona janë vrarë dhe trupat e tyre janë djegur.
Në mediat e huaja një anëtar i të drejtave të njeriut është shprehur se ngjatja ka ndodhur në rajonin e Kayah në Mianmar. Sipas grupit për të drejtat e njeriut, anëtari Kerenni ka thënë se mes trupave të shkrumbuar kishte të moshuar, gra e fëmijë, të vrarë nga ushtria në pushtet, afër fshatit Mo Sot qytezës Hpruso.
“Ne e dënojmë fuqishëm vrasjen çnjerëzore e brutale, që i shkel të drejtat e njeriut”, thuhet në një postim të tij grupi në Facebook.
Ndërkohë ushtria në Mianmar ka pohuar se ka vrarë një numër të pasaktësuar të “terroristëve me armë” nga forcat e armatosura qeveritare në këtë fshat.
Ndërkohë fotografitë e shpërndara nga grupi për të drejtat e njeriut dhe mediet lokale shfaqën mbetje të djegura të trupave në disa automjete.
Forca Kombëtare Mbrojtëse e Karenni-t, një nga grupet më të mëdha militante civile që po lufton kundër qeverisë ushtarake, tha se të vdekurit nuk ishin pjesëtarë të saj, por civilë që kërkonin strehim nga konflikti./abcnews.al
