Gjykata për Krimet e Rënda çeli shqyrtimin gjyqësor ndaj Leonsio Nikës, i akuzuar për një krim të dyfishtë brenda familjes.
Sipas Prokurorisë, paraditen e 29 Qershorit 2017, Nika vrau me një armë gjuetie prindërit e tij Ali dhe Jumrie Nika në oborrin e banesës së tyre në Xhafzotaj të Durrësit.
Nga një akt-ekspertim psiko-ligjor i kryer gjatë hetimit ka rezultuar se i pandehuri vuan nga probleme mendore dhe se është i papërgjegjshëm para ligjit.
Për këtë shkak, në përfundim të shqyrtimit gjyqësor pritet të miratohet kërkesa e bërë nga ana e prokurorit për caktimin e një masë “mjekim të detyrueshëm në një spital psikiatrik”./abcnews.al
