Vrasjet në Francë shkaktojnë protesta kundër Macron ë Bangladesh

Dhjetëra mijëra myslimanë protestuan në Bangladesh të premten pasi vrasjet nga një emigrant tunizian në një kishë franceze nxiti një zotim nga Presidenti Emmanuel Macron për të mbajtur qëndrim kundër sulmeve ndaj vlerave të vendit të tij dhe lirisë së besimit.

Franca, “shtëpia” e komunitetit më të madh mysliman të Evropës, ishte e përfshirë në një luftë kundër ideologjisë islamike dhe sulme më militante ishin të mundshme, paralajmëroi ministri i brendshëm Gerald Damarnin.

Protestuesit që marshonin nëpër rrugët e Daka, kryeqyteti i Bangladeshit me shumicë myslimane, brohorisnin “Bojkotoni produktet franceze” dhe mbanin parulla që e quanin Macron “terroristin më të madh në botë”.

“Macron po udhëheq Islamofobinë”, tha demonstruesi Akramul Haq. “Ai nuk e di fuqinë e Islamit. Bota myslimane nuk do ta lejojë këtë të shkojë kot. Ne do të ngrihemi dhe do të solidarizohemi kundër tij’, shtoi ai.

Franca ngriti alarmin e saj të sigurisë në nivelin më të lartë të enjten pasi një burrë me thikë që thërriste “Allahu akbar” i preu kokën një gruaje në një kishë dhe vrau dy persona të tjerë. g.v/abcnews.al