Policia ka ndaluar një person si autor të dyshuar të vrasjes së ish-deputetit Pashko Ujka në Shkodër. Gazetari Simon Shkreli raporton se në komisariat ndodhet Kristian Kelmendi.
Uniformat blu janë të rezervuara në dhënien e detajeve. Sakaq, mësohet se përveç Kelemendit është shoqëruar edhe një tjetër.
Njëri prej tyre dyshohet se ka shenja baruti në duar dhe po analizohet nëse kemi të bëjme me autorin e kësaj ngjarje.
Pashko Ujka u ekzekutua mbrëmjen e 29 nëntorit në Shkodër, teksa po kthehej në banesë me bashkëshorten e tij. Dyshohet se mbi të është qëlluar me selenciator. Ujka ka shërbyer si deputet, ndërsa në vitin 2011 ai mori drejtimin e komunës së Velipojës. /abcnews.al
