Gjykata e Apelit të Posaçëm la të pa ndryshuar masen e arrestit në burg për Safet Bajrin, kushëririn e tij Behar Bajrin dhe Astmer Bilalin, të 3 të arrestuar për vrasjen e Fatbardh Licit në vitin 2018 në Shkodër. Në seancën e së enjtes që u zhvillua me dyer të mbyllura mësohet se Safet Bajri ka mohuar përfshirjen e tij në këtë ngjarje. Në lidhje me përgjimet e prokurorisë Bajri ka pretenduar se ato nuk provojnë që ai të jetë një nga autorët e vrasjes.
“S’e kuptoj se si mund të quhen prova këto përgjime. Unë një nata para se të ndodhte ngjarja kam qënë në Tiranë në një restorant dhe më pas kam shkuar në diskotekë. Në mëngjes kam shkuar në banesën time në Shkodër. ”
Safet Bajri akuzohet nga prokuroria e posaçme për vrasjen e Fatbardh Licit në vitin 2018 në shkodër në bashkëpunim me Behar Bajrin dhe Astmer Bilali në kuadër të grupit të strukturuar kriminal. Vrasja e Fatbardh Licit ndodhi në gusht të 2018-tës në qytetin e Shkodrës. sipas prokurorisë, vrasja është kryer pasi Behar Bajri dyshonte se Ibrahim Lici I afërmi I fatbardh Licit, ishte autor i ekzekutimit të Boran Bërccanës në korrik të 2018-tës. /abcnews.al/
