Zbardhet dëshmia e Eduart Lamajt i arrestuar si i dyshuar kryesor për vrasjen e Bujar Likës dhe Paulin Gjergjit.
Mësohet se ai se ka pranuar autorësinë e ngjarjes duke deklaruar se nuk ka pasur për qëllim t’i vrasë ata.
Ai ka deklaruar se ka pasur një konflikt të vjetër me pronarin e hotelit, ndërsa ka shtuar se nuk njihte asnjë prej viktimave dhe gjithçka ka ndodhur në sherr e sipër.
Lamaj u arrestua në një klinikë private ku mjekohej për plagën që kishte marrë në këmbë mbrëmjen e 31 Majit, gjatë shkëmbimit të zjarrit me palën tjetër.
Mësohet se Lamaj mjekohej prej dy javësh në këtë spital, ndërkohë që nga dita e atentatit ai ishte strehuar në banesën e motrës së tij në kryeqytet.
Pas daljes së përgjigjes së ADN-së, policia e kishte mbajtur në vëzhgim të dyshuarin për të studiuar lëvizjet e tij.
Policia njofton se janë identifikuar dhe janë shpallur në kërkim dhe tre bashkëpunëtorë të tjerë./abcnews.al
