Bashkimi Europian ka reaguar pas miratimit të ndryshimeve në Kodin Zgjedhor në Kuvendin e Shqipërisë. BE thekson në deklaratën e saj se këto ndryshime nuk kanë asnjë lidhje me zbatimin e rekomandimeve të OSBE/ODIHR. Ajo thotë se ndihen të keqardhur nga mungesa e dialogut, ndërsa shtojnë se dialogu politik në vend duhet të përmirësohet.
“Morëm njoftim mbi miratimin nga Parlamenti për ndryshimet në Kodin Zgjedhor. Kujtojmë se këto nuk kanë lidhje me zbatimin dhe përdorimin e OSBE / ODIHR – mbi reformën zgjedhore siç referohet në Konkluzionin e Këshillit të Marsit
Na vjen keq që nuk mund të arrihej asnjë kompromis në Këshillin Politik para se të votoheshin ndryshimet në Parlament.Pavarësisht nga rezultati pozitiv i marrëveshjes për rekomandimet e OSBE / ODIHR të arritura në 5 qershor 2020, dialogu politik në vend duhet të përmirësohet.
Ne inkurajojmë të gjithë palët e interesuara të mbajnë fokusin në zbatimin e reformave të nevojshme për vendin për të përparuar në rrugën e integrimit në BE, duke përfshirë reformat e parashikuara në marrëveshjen e 5 qershorit. Kjo do të prezantojë standarde më të larta të integritetit dhe transparencës në procesin zgjedhor, i cili është thelbësor për të ardhmen politike të vendit“, thuhet në deklaratën e tyre./mv. abcnews.al
