Presidentja e Komisionit Evropian Ursula von der Leyen do të vizitojë Kievin të martën për të shënuar Ditën e Evropës. Lajmin e konfirmoi zëdhënësja e saj.
Presidenti ukrainas, Volodymyr Zelensky njoftoi të hënën se vendi i tij do të fillojë të shënojë Ditën e Evropës më 9 maj, ditën kur Ukraina tradicionalisht përkujton fitoren ndaj Gjermanisë naziste, shkruan CNN.
Por kjo datë është bërë gjithnjë e më shumë e lidhur me një paradë për të shënuar të njëjtin përvjetor në Moskë, e përdorur gjithashtu nga Kremlini për të shfaqur aftësitë e tij ushtarake.
Duke kërkuar të thyejë traditën ruse, Zelensky të hënën paraqiti një projekt-ligj në parlamentin e vendit për të zhvendosur festimet e Ditës së Fitores një ditë më parë, në 8 maj./abcnews.al
