Një i ri ka rënë në prangat e policisë këtë të martë në Bulqizë, pasi akuzohet për vjedhje.
Sipas informacioneve nga uniformat blu, 27-vjeçari ka vjedhur një shumë parash dhe një aparat celular në një banesë në lagjen “Minatori”. I riu është dënuar disa herë për veprën penale të vjedhjes.
“Vodhi një shumë parash dhe një aparat celular në një banesë , kapet dhe vihet në pranga 27-vjeçari.
Komisariati i Policisë Bulqizë, pas marrjes së denoncimit për vjedhjen e një shume parash dhe një aparati celular në një banesë, në lagjen “Minatori”, ka organizuar punën për kapjen e autorit dhe vënien e tij përpara përgjegjësisë ligjore. Si rezultat i veprimeve të shpejta hetimore dhe procedurale është identifikuar, kapur dhe vënë në pranga shtetasi 27 vjeç, banues në Bulqizë, i dënuar më parë për vjedhje.
Ky shtetas dyshohet se ka vjedhur një shumë parash dhe një aparat celular, në banesën e një shtetasi.”, thuhet në njoftimin e policisë.
/abcnews.al
