Një 22-vjeçar nga Dibra ka përfunduar në prangat e policisë. Kjo pasi i riu kishte vjedhur 3 automjete dhe targat e 12 të tjerave, të cilat dyshohet se do të përdoreshin nga shtetas të tjerë, për veprimtari kriminale.
Ndërkohë, po vijon puna për dokumentimin e vjedhjeve të tjera që mund të jenë kryer nga i arrestuari dhe identifikimin e bashkëpunëtorëve të tij.
Njoftimi i Policisë:
Vodhi 3 automjete dhe targat e 12 automjeteve të tjera, të cilat dyshohet se do të përdoreshin nga shtetas të tjerë, për veprimtari kriminale, identifikohet, kapet dhe vihet në pranga 22-vjeçari.
Strukturat e Drejtorisë Vendore të Policisë Dibër, në zbatim të masave të përcaktuara në planin operacional kombëtar “Sundimi i ligjit”, për zbardhjen e vjedhjeve të automjeteve dhe targave të tyre, kapjen dhe vënien përpara përgjegjësisë ligjore të autorëve, finalizuan operacionin policor të koduar “Qëllimi”.
Si rezultat i operacionit, u identifikua, u kap dhe u vu në pranga shtetasi, 22 vjeç, banues në fshatin Radovesh.
Ky shtetas dyshohet se është autori kryesor i vjedhjes së 3 automjeteve (2 prej të cilave janë gjetur dhe vijon puna për gjetjen e automjetit tjetër) dhe të targave të 12 automjeteve të tjera, në zonat e fshatrave Xibër, Mat dhe Radovesh, Bulqizë, gjatë disa muajve.
Nga veprimet hetimore dyshohet se targat e vjedhura do të përdoreshin nga shtetas të tjerë, për veprimtari kriminale.
Vijon puna për dokumentimin e vjedhjeve të tjera që mund të jenë kryer nga shtetasi identifikimin e bashkëpunëtorëve të tij dhe nxjerrjen e tyre përpara përgjegjësisë ligjore.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër./abcnews.al
