Loading ...
Autoritetet në Vlorë, kanë bërë të mundur zbardhjen e ngjarjes së ndodhur para disa ditësh, ku dy persona i kanë dalë para në rrugë shtetasit A.L, 34 vjeç, i cili transportonte lekë nga një pikë e këmbimit valutor në pikën tjetër dhe i kanë vjedhur me forcë dhe dhunë çantën e krahut ku kishte brenda saj një shumë të konsiderueshme vlerash monetare. Si rezultat janë arrestar dy shtetas: M.Gj, 17 vjeç, dhe N.A, 16 vjeç, banues në Vlorë.
Arrestimi i tyre u bë në lagjen “24 Maji”, të cilët tentuar t’u largoheshin shërbimeve të policisë por u kapën menjëherë në rrugën kryesore të kësaj lagjeje.
Gjatë kontrollit fizik dhe në banesat e tyre janë sekuestruar në cilësinë e provës materiale shumica e parave të vjedhura në total 8.150 Euro, çanta në të cilën ndodheshin lekët në momentin e vjedhjes si dhe xhiboksi i veshur në momentin e vjedhjes me dhunë nga njëri prej autorëve.
