Edhe në Vlorë hapja e bareve dhe restoranteve ka nisur mëngjesin e sotëm sipas aktit normativ nga qeveria shqiptare.
Administratorët e bareve dhe restoranteve kanë pranuar të kthehen në punë duke respektuar masat e distancimit social.
Por ata janë shprehur të shqetësuar për kufizimin e fashave orare edhe pse Kryeministri Rama deklaroi se në zonat e gjelbra nuk do të ketë kufizim deri në orën 21:00, zyrtarisht ky urdhër ende nuk ka mbërritur.
Ndërkohë gjatë fundjavës qytetarë të shumtë kanë frekuentuar zonat bregdetare ndërsa sezoni turistik tashmë ka filluar./abcnews.al
