Nata e gjatë e lamtumirës te Juventusi vazhdon në rrjetet sociale, me Dushan Vlahovic duke përshëndetur Paulo Dybalan me një postim të gjatë në rrjetet sociale.
Por në ndeshjen e mbrëmshme ndaj Lazios që ishte edhe e fundit në “Allianz” për Dybalan, sulmuesi serb shënoi edhe golin e parë për Juventusin, ku më pas festoi edhe me simbolin e maskës, njëjtë siç bën argjentinasi, dhe kjo ishte si një shenjë falënderimi për 28-vjeçarin.
“Na u desh pak për të kuptuar që folëm të njëjtën gjuhë. Futbolli është ky, miq të dashuruar me topin që ndjekin të njëjtën ëndërr dhe për një gjë jam i sigurt, kudo që të çojë fati, do të shkëlqesh, faleminderit për gjithçka kampion, fat për gjithçka dhe të dua”, janë fjalët e Vlahovic për Dybalan. /f.a/abcnews.al
