Presidentja e Kosovës Vjosa Osmani ka reaguar me anë të një statusi në rrjetet sociale, në lidhje me sasinë e vaksinave të dhuruara nga SHBA. Ajo shprehet se ato përkthehen në shanse shtesë për të mbrojtur dhe shpëtuar jetë nga virusi.
“503 mijë vaksinat e dhuruara nga SHBA-të e të cilat arritën sot në vendin tonë janë 503 mijë shanse shtesë për të mbrojtur e shpëtuar jetë nga virusi.
Nuk ka asnjë arsye për mos vaksinim! Të rinj, pleq, mësues, shtatzëna, gra e burra, vaksinimi shpëton jetë! Vaksinohu edhe TI të shpëtosh veten, më të dashurit e tu, ekonominë dhe të ardhmen tonë!
Faleminderit Presidentit Biden dhe popullit amerikan që na u gjindën sërish pranë, ashtu sikurse gjithherë”, tha Osmani. m.v/abcnews.al
