Presidenti rus Vladimir Putin do të zhvillojë një vizitë në Kinë, ku do të diskutojë disa çështje të rëndësishme strategjike me presidentin kinez Xi Jinping, tha ambasadori i Pekinit në Moskë.
“Në samit, udhëheqësit tanë do të diskutojnë të gjitha çështjet aktuale dhe kyçe të bashkëpunimit dypalësh, si dhe ndërveprimin tonë strategjik në arenën ndërkombëtare. Kjo është shumë e rëndësishme,” tha Zhang Hanhui.
Zëdhënësi i Kremlinit Dmitry Peskov tha se datat për vizitën e Putinit në Kinë janë caktuar por nuk janë shpallur.
Më 20 shtator, gjatë një takimi me zyrtarët kinezë, Putin tha se pranoi me kënaqësi ftesën e Xi për të vizituar Kinën në tetor për Forumin Brez dhe Rrugë.
/abcnews.al
