Drejtuesi i SPAK, Altin Dumani zhvilloi këtë të enjte një vizitë në Shkodër. Vizitë e cila u raportua se lidhej me hetimet për krimet zgjedhore.
Në “Tirana Live”, në ABC News, avokati Edmond Petraj, komentoi edhe vizitën e Kreut të SPAK Altin Dumani në Shkodër. Ai tha se SPAK po monitoron dhe vëzhgon. Ndërsa nënvizoi se ekziston mundësia që të kemi edhe të arrestuar.
“Kanë shkuar sepse i përket një situatë për krimin zgjedhor dhe kanë dashur të monitorojnë situatën nga afër. Nuk është rastësi, ka nisur direkt hetimi për personazhe që ndoshta mund të kemi një denoncim apo kallëzim. Ekziston mundësia që mund të kemi edhe të arrestuar. Vajtja e tij me shpejtësi sot, dhe me përforcime, dhe mendoj që diçka do ndodhë sa i përket krimit zgjedhor.”, tha mes të tjerash avokati Petraj.
/abcnews.al/
