Tirana kërkon të përforcohet dhe presidenti Refik Halili, disa ditë më parë ishte në Kosovë. Ai ndoqi nga afër përballjen mes Prishtinës dhe Dritës dhe personat që ishin me të mbajtën shënime për mbrojtësin Armend Thaçi.
Kapiteni i skuadrës bardhekaltër, që luan në linjën e djathtë të mbrojtjes, ka kërkesa të larta financiare dhe te Tirana janë stepur për të. Ndryshe është situata me portierin Visar Bekaj. Për këtë të fundit, në Supersport u raportua një ditë më parë se bardheblutë kanë bërë një ofertë që kap shifrën e 75 mijë eurove.
Te Prishtina konfirmojnë interesimin e Tiranës, ndërkohë që drejtori sportiv, Granit Begolli për “IndeksiOnline” ka deklaruar: “Po, ka pasur interesim nga ana e Tiranës. Nëse dikush paguan çmimin që klubi e kërkon, atëherë Visar Bekaj mund të largohet”. /abcnews.al
