Komisioni Evropian së fundmi ka marrë një vendim në lidhje me përdorimin e vaksinës sincicial tek të moshuarit.
Në vendimin e sotëm BE ka autorizuar Arexvy , ilaçin e parë që mbron të rriturit e moshës 60 vjeç e lart, kundër sëmundjeve të rrugëve të poshtme të frymëmarrjes të shkaktuara nga virusi i frymëmarrjes.
“Tani inkurajoj vendet anëtare që të ndërtojnë shpejt mbi këtë autorizim dhe të përcaktojnë strategji kombëtare të vaksinimit, në mënyrë që njerëzit më të rrezikuar të mund t’i përdorin ato në muajt e ardhshëm përpara sezonit të vjeshtës,” thotë Komisionerja e Shëndetësisë e BE-së Stella Kyriakides.
Drita jeshile Miratimi i vaksinës u prit veçanërisht në dritën e rritjes së infeksioneve të dimrit, ajo u bë si pjesë e mekanizmit të vlerësimit të përshpejtuar të EMA-s dhe Komisioni dha menjëherë autorizimin e vaksinës, duke pasur parasysh se parandalimi i infeksionit në popullatën e moshuar është me interes të madh për shëndetin publik.
Virusi sincicial është një virus i zakonshëm i frymëmarrjes që zakonisht shkakton simptoma të buta, të ngjashme me të ftohtin. Shumica e njerëzve shërohen brenda një ose dy javësh.
Sipas përfaqësuesve të shëndetësisë njerëzit më të brishtë dhe më të prekshëm nga ky virus janë moshuarit dhe ata me sëmundje të mushkërive ose të zemrës dhe diabet. /abcnews.al
