Nga Leontina Nika
Koncerti për violinë krijuar pas 3 dekadash mungesë dhe interpretuar nga artistija Ina Kosturi nderohet në Slloveni me çmimin “Oscar Rieding”. Ky çmim i rri më së miri kësaj artisteje për këto arsye.
Ky çmim mbart emrin e një prej kompozitorëve dhe pedagogëve të njohur në Slloveni për instrumentin e violinës.
“Çmimi Oscar Rieding quhet, ëhtë çmim për pedagogët të cilët kompozojnë dhe interpretojnë veprat e tyre duke ruajtur traditat që Sllovenia ka të një violinisti siç është Rieding.”s
Pas 3 dekadash mungesë, 2 vite më parë artistja kompozoi koncertin e parë për violinë të cilin tashmë e ka realizuar në 3 kohë dhe për këtë koncert mori dhe çmimin si krijuese dhe interpretuese.
Tashmë 6 pjesë mbajnë firmën e instrumentistes Ina Kosturi, pjesë të cilat u interpretuan edhe nga artistë të huaj në edicionin e 10 të Maratonës Violinistike.
Qëllimi kryesor i saj mbetet njohja e muzikës shqiptare jashtë Shqipërisë.
Ina Kosturi është diplomuar për violinë në Akademinë e Lartë të Arteve dhe në konservatorin “Umberto Giordano” në Itali, aktualisht është pedagoge në Universitetin e Arteve.Ajo ka interpretuar në 25 recitale. Prej dy vitesh ka kompozuar 6 pjesë muzikore për instrumentin e violinës Është autore e katër librave si dhe është nderuar me çmime ndërkombëtare. Ajo është fituese e konkursit të 7 Nacional të Muzikës “Citta di Monopoli”( 1995)./abcnews.al/
