Eden Hazard po has vështirësi për t’u përshtatur me lojën e Real Madrid, edhe pse dëmtimet kanë bërë të veten, por ndryshe ndodh me raportet me shokët e skuadrës, sidomos me lojtarët brazilianë.
Vinicius Junior flet për belgun karizmatik në një prononcim për Esporte Interativo. Sulmuesi 19-vjeçar tregon lidhjen e fortë që Hazard ka krijuar me atë, Rodrygo, Marcelo, Casemiron dhe Eder Militaon.
“Kemi marrëdhënie absolutisht të shkëlqyera me Hazard, realisht. Me ne brazilianët ka një lidhje të veçantë, praktikisht është njëri prej nesh. Ai bën gjithmonë shaka, njësoj si Marcelo, i cili bën shaka me të gjithë. Eden nuk e ka mësuar ende shumë mirë gjuhën spanjolle. Kur ta mësojë më mirë, edhe raportet tona do të jenë më të forta“, deklaron Vinicius Junior. /abcnews.al
