“Vijoni të ecni përpara”, Kryeministri i Estonisë: Mbështesim fort zgjerimin e BE dhe rrugëtimin e Shqipërisë

ESTONI– Kryeministri i Republikës së Estonisë, Kristen Michal, gjatë një konference të përbashkët me kryeministrin e Shqipërisë, Edi Rama, theksoi mbështetjen e fortë të Estonisë për zgjerimin e Bashkimit Europian dhe rrugëtimin europian të Shqipërisë.

“Estonia mbështet fort zgjerimin e BE-së. Ne e kemi mbështetur Shqipërinë në rrugëtimin e saj drejt BE-së dhe do të vijojmë ta bëjmë këtë gjë.

Vijoni të ecni përpara me reforma për të ardhmen e vendit dhe popullit tuaj.

Në qoftë se Shqipëria përmbush angazhimet e saj, atëherë edhe BE do të bëjë të njëjtën gjë”, u shpreh Michal.

Deklarata u bë në kuadër të vizitës dhe takimeve zyrtare mes dy kryeministrave, ku në fokus ishte procesi i integrimit europian të Shqipërisë dhe bashkëpunimi mes dy vendeve./abcnews.al