Loading ...
Në një kohë që ofensiva ushtarake turke në veri – lindje të Sirisë ka hyrë në ditën e saj të tretë, presidenti amerikan Trump paralajmëroi sanksione të reja ndaj Turqisë nëse ajo nuk sillje në mënyrë humanitare.
Në kufirin turko – sirian është dita e tretë e ofensivës së trupave ushtarake të Ankarasë.
Burime kurdo – siriane bëjnë të ditur se forcat turke kanë bombarduar gjatë mbrëmjes së të enjtes një burg ku mbaheshin militant të ISIS sipas forcave demokratike siriane kjo është në përpjekje e qartë për të mbështetur arratisjen e xhihadistëve të cilët mund të përzihen me refugjatët. Në vetëm 24 orë janë 60 mijë persona që kanë braktisur banesat e tyre.
Presidenti turk Erdoan nga ana e tij kërcënoi Europën duke thënë se do i dërgonte refugjatët përtej kufirit turk.
Kreu i shtëpisë së bardhë Donald Trump nga ana e tij kërcënon me sanksione të reja kundër Turqisë, nëse nuk do të veprojë në mënyrë humanitare. Rezultati i ofensivës turke, sipas ekspertëve shkaktoi atë që pritejm ringjalljen e bërthamave të ISIS, menjëherë pas tërheqjes së trupave amerikane ushtarake këtë të hënë.
Ndërkohë është 174 numri i terroristëve të neutralizuar sipas ministrisë turke të mbrojtjes./ABC News Albania 24/7
