Liverpool edhe pse tashmë e ka siguruar titullin kampion, ende nuk lëshon pe në Premier League. Të besuarit e Jürgen Klopp arritën një fitore 1-3 në transfertën e Brighton mbrëmjen e djeshme. Ajo që ra në sy ishte dëshira e madhe e lojtarëve të Liverpool për të luajtur dhe shënuar, sidomos ajo e kapitenit Van Dijk.
Holandezi e tregoi dhe një herë se ai është një nga më të mirët në botë në rolin e tij. Ishte minuta e 90-të e takimit dhe “The Reds” po udhëhiqnin me rezultatin 3-1. Megjithatë, Van Dijk nuk ishte shumë i lumtur me lojën që po zhvillonin sulmuesit dhe fjalët e tij tashmë janë bërë virale.
“Hajdeni djem, ju po bëheni super dembelë!”, ishin fjalët e Virgil. Numri katër i Liverpool ishte protagonist edhe gjatë takimit, ku shkëlqeu në mbrojtje me ndërhyrjet dhe pozicionimin e tij në fushë. Thjesht fantastik!. /abcnews.al
https://twitter.com/AnfieldWatch/status/1280974251860938755?ref_src=twsrc%5Etfw%7Ctwcamp%5Etweetembed%7Ctwterm%5E1280974251860938755%7Ctwgr%5E&ref_url=https%3A%2F%2Fwww.sportbible.com%2Ffootball%2Fnews-virgil-van-dijk-shouted-youre-getting-fing-lazy-at-teammates-20200709
